محترم حضرت حکیم صاحب السلام علیکم! ہم بہت مشکلات میں گرفتار ہیں۔ ان مشکلات کا آغاز تقریباً 23 سال قبل ہوا، اس سے پہلے میرے والد صاحب ایک ہر دلعزیز اور انتہائی سوجھ بوجھ والے کامیاب انسان تھے، ان کا بہت اچھا کاروبار تھا، جس کام کو کاروباری طور پر ہاتھ لگاتے وہ سونا ہو جاتا، اپنا گھر ، جائیداد، کاروبار، زمین اور بے پناہ عزت و شہرت اور عقل و فہم کے مالک انسان تھے۔پھر پتہ نہیں کیوں ایسا ہوا کہ ہر چیز میں ناکامی ہی ناکامی اور نقصان رہ گیا ، کاروبار ، جائیداد گھر بار سب کچھ ختم ہے۔خود والد صاحب انتہائی غصیل ، جذباتی اور ضدی انا پسند شخص بنتے چلے گئے اور سخت ڈیپریشن کا شکار ہو گئے ، ان کے اسی رویے کی وجہ سے وہی لوگ جو پہلے ان کی عزت کرتے تھے اب ان سے دور ہونے لگے ہیں۔ (لاریب سعید،فیصل آباد ) 

جواب :آپ کا طویل خط پڑھا ، آپ کے والد صاحب کی کامیابی ، عزت اور مرتبے سے حسد کی وجہ سے ان کے کاروباراور گھر پر جادو کروا یا گیاہے۔حالات کا اچانک خوشحالی سے کربناک ہو جانابہت بڑی آزمائش ہے، آپ تمام گھر والے سورہ فلق اور سورہ الناس دو تسبیح صبح و شام پڑھیں اور تصور میں گھر کے چاروں کونوں میں دم کریں ان شاء اللہ جادو ٹوٹ جائے گا۔