محترم شیخ الوظائف صاحب السلام علیکم! عبقری کے ساتھ اللہ جل شانہ کی مدد اور نصرت کا عجب نظام ہے۔ اکثر رسالے میں پڑھتے ہیں کہ عبقری میگزین یا عبقری کے کتابچے تقسیم کرنے سے فوری اللہ کی مدد ملتی ہے۔ عقل اور سمجھ سے بالا تر غیبی نظام متوجہ ہوتا ہے۔ عبقری سے ملے وظائف کی برکت سے ہمیں خیر یں اور برکتیں ملتی ہیں‘ دعائیں قبول ہوتی ہیں‘مرادیں پوری ہوتی ہیں‘ جادو جنات کے مسائل حل ہوتے ہیں اور گھریلو الجھنوں اور رشتوں کے مسائل کا حل ملتا ہے اس طرح عبقری کے پیغام کو پھیلانے سے بھی حیرت انگیز طور پر کام بنتے ہیں۔اس کا ایک ذاتی مشاہدہ قارئین کی خدمت میں پیش کر رہا ہوں۔ میرا بھانجا جس کی عمر سات سال ہے‘ وہ محلے کے بچوں کے ساتھ باہر کھیل رہا تھا کہ ایک بند دروازے والا رکشہ ان کے پاس آیا اور بھانجے کو اس میں بٹھا کر لے گیا‘ جب کافی دیر کے بعد بھانجا گھر نہ پہنچا توہم نے ادھر ادھرتلاش کرنا شروع کیا‘مساجد میں اعلان کروائے‘ بچوں کو شعور نہیں تھا انہوں نے ہمیں فوراً نہیں بتایا کہ اسے کوئی رکشے میں بٹھا کر لے گیا ہے۔اس کی والدہ اور میری والدہ نے تو بے چینی میں رونا شروع کردیا۔میں نے اس بے قراری کی کیفیت میں ہوش سے کام لیا اورعبقری کا ’’آزمودہ وظائف سے گھریلوالجھنوں کا حل‘‘ کتابچہ کافی تعداد میںخرید کر مختلف جگہوں پرتقسیم کر دیا۔ ابھی ایک گھنٹہ نہ گزرا تھا کہ کچھ لوگ میرے بھانجے کو لے کر ہمارے گھر آ گئے۔انہوں نے بتایا کہ ہمیں فلاں جگہ یہ بچہ روتا ہوا ملا۔جب بھانجے سے پوچھا تو کہنے لگا کہ رکشے والا مجھے لے کر جار ہا تھا‘ ایک جگہ جا کر رکشہ آہستہ ہوا میںنے موقع پا کر رکشہ سے چھلانگ لگا دی اور رونا شروع کر دیا‘ رکشہ والا وہاں سے فرار ہو گیا۔ لوگوں نے دیکھا تو مجھے گھر تک لے آئے۔(فردین ظفر، فیصل آباد)